Ég ólst upp við það að fara prúðbúin á kjörstað með mömmu og pabba. Þau innrættu mér virðingu fyrir þessum degi og þakklæti fyrir að hann skuli vera til. Kosningadagar eru hátíð lýðræðisins, þennan eina dag á fjögurra ára fresti þar sem kjósendur hafa öll ráð landsins í eigin hendi. Mér finnst kosningadagur líka vera hátíð kvenna og minnist formæðranna og forfeðranna sem börðust fyrir kosningarétti kvenna í upphafi síðustu aldar. Mér dettur ekki í hug að reyna að hafa áhrif á val ykkar um flokka eða hvort þið ákveðið að skila auðu. En mig langar til að biðja allt kosningabært fólk um að mæta á kjörstað því í dag er merkilegur dagur.
Category Archives: Lýðræði
Hvers vegna upplýsingaskylda? Reply
Hvers vegna er svo mikilvægt að ráðningarferli hjá hinu opinbera fari fram fyrir opnum tjöldum? Er það kannski óþarfa vesen, forvitni og sparðatíningur að vera að heimta þessi nöfn?Almenningur hefur ekki aðgang að umsóknargögnum vegna ráðningar í opinberar stöður af tillitssemi við þau sem sækja. Hins vegar hefur almenningur rétt á upplýsingum um nöfn umsækjenda vegna sjónarmiðsins um opna stjórnsýslu. Með því að upplýsa um þau sem sækja um stöður er ráðningarferlið haft eins opið og kostur er. Þannig getur almenningur haft skoðun og upplýsingar um ráðningar á vegum hins opinbera og veitt þeim aðhald sem sýsla með opinbert fé.Almenningur og umsækjendur eiga rétt á því að umsóknarferlið sé réttlátt og að hæfasti umsækjandinn sé valinn í hvert sinn. Það verður best gert með gagnsæi. More…
Upplýsingalög og mannaráðningar hjá þjóðkirkjunni 1
Stjórnsýsla þjóðkirkjunnar á að vera til eftirbreytni og þess vegna er ég sérstaklega glöð yfir því að staða biskupsritarans skuli hafa verið auglýst. Umsóknarfrestur rann út 8. júlí og nú er kominn sá 18. júlí. Mig er farið að lengja eftir því að sjá hverjir sóttu um stöðuna. More…
Snorri í Betel og hatursorðræða 4
Er Snorri í Betel fórnarlamb ritskoðunar og skoðanakúgunar? Það er mikilvægt að standa vörð um tjáningarfrelsið. Það er jafnmikilvægt að greina orðræðu sem gerir lítið úr manneskjum vegna þess sem sjálfsmynd þeirra byggir á, trú, kynhneigð, kynferði, þjóðerni. Og þess vegna eru umræður um tjáningarfrelsi og hatursorðræðu mjög dýrmætir fletir á lýðræðisumræðu sem jafnframt leiðir til friðar. Ég held því að það væri áhugavert fyrir lýðræðið í landinu að Snorri í Betel færi í mál. More…
Biskupsvísitasía Guðna Ágústssonar 3
Þess vegna tel ég að Davíð Þór Jónsson hafi fullan rétt til að segja að forsetinn sé lygari og rógtunga fyrst honum finnst það og færir fyrir því allnokkur rök. Ég þarf ekki að vera sammála rökunum eða ályktuninni. En ég virði rétt hans til að hafa þessar skoðanir. Hann á ekki að fá neina áminningu, hann á ekki “að gjalda fyrir orð sín” og ég tel ekki að rétt sé að kirkjan “skoði gang sinn að vera með svona þjón.” More…
