Það verða alltaf þúsund ástæður til að kjósa ekki konu sem biskup. Þær eru of íhaldssamar, of róttækar, hárið á þeim er ekki í lagi, þær eru fráskildar eða eiga óheppilegan kall, þær sögðu eitthvað óheppilegt fyrir hundrað árum etc. Og einn góðan veðurdag skiptir ekkert af þessu máli, heldur aðeins hvort við breytum kirkjusögunni eða ekki. More…
Tag Archives: biskupskjör
Kvöldið fyrir talningu Reply
Á morgun verður talið í biskupskosningu og tíminn er dálítið lengi að líða. Og þá er upplagt að horfa yfir þessa tvo mánuði síðan ég lýsti því yfir að ég gæfi kost á mér. Ég er svo glöð yfir því að hafa tekið þátt í þessari kosningabaráttu. Það hefur verið erfitt að ferðast svona mikið og reyna að láta prestakallið ekki láta mæta afgangi á meðan. Stundum hef ég verið yfir mig þreytt. En jafnfram hafa þetta verið stórmerkilegir og viðburðaríkir mánuðir, þar sem ég hef haft tækifæri til að kynnast mörgu áhugaverðu fólki, upplifa gestrisni þess og hlusta á viðhorf og kirkjusögur frá ólíkum stöðum. Mér finnst að sjónarhornið hafi dýpkað með hverri heimsókninni og hverjum keyrðum kílómetra. Við fengum mikið af góðum spurningum, sem gaman hefur verið að svara. Ég hef gert grein fyrir skoðunum mínum og framtíðarsýn, bæði hér á stuðningssíðunni minni, á http://www.tru.is, á facebook og á kynningarfundunum sem haldnir voru um allt land. More…
Austfirðingur verður til Reply
Þetta fyrsta kvöld mitt á Austfjörðum fékk ég nokkra innsýn inn í hinar nýju aðstæður eftir álver. Ég fræddist um hinar miklu breytingar á samfélaginu eftir að álverið kom, hvernig prestsþjónustan nýtist og velferðarþjónustan á hinum stóra vinnustað. Fyrir umhverfisverndarsinnann Sigríði var athyglisvert að heyra “hina hliðina” á hinum stóru umhverfismálum sem þjóðin hefur glímt við vegna Kárahnjúka og Fjarðaáls, um uppbygginguna, atvinnutækifærin, samvinnuna og félagsauðinn sem ræktaður er. More…
Undir Jökli Reply
Ég var lengi að sofna þegar ég kom heim þótt dagurinn væri langur. Höfuð mitt var fullt af fólki, fólki sem hafði sýnt mér gestrisni og gefið mér tíma sinn í ólíkum heimsóknum yfir daginn. Ég hugsaði um sögu, guðfræði, erfiðleika, kirkjupólitík og starfsmannamál, svo að hausinn í mér brakaði. Mér finnst það það besta við þessar biskupskosningar að þær gefa tækifæri til nýs samtals og samskipta. More…
Kynningarfundir vegna biskupskjörs Reply
Ég er mjög ánægð með að þessir fundir skuli verða að veruleika og finnst að með þeim sé áfram haldið í átt til virkrar þátttöku, kynningar og lýðræðis, þótt auðvitað hefði ég viljað hafa fundina fleiri. Þetta er dýrmætt tækifæri til að sjá frambjóðendurna ræða saman og spyrja þá spurninga. More…
