Innselurinn er með algengari dýrategundum alnetsins. Innselurinn (caelibatus involuntarium á latínu) heldur sig mest á rafrænu djúpsævi og er talinn hafa áhrif á súrnun sjávar. Brimlar eru í miklum meirihluta innsela. Sýna þeir urtum af sömu tegund lítinn áhuga, en leita fremur æxlunar með útselsurtum. Innselir eru styggari en útselir. Augu og eyru sitja hátt á höfði, sem gerir að innselurinn getur falið sig í öldum alnetsins og fylgst með urtum í stað þess að sýna sig á látrum. Innselir finnast í flestum úthöfum alnetsins en eru sérstaklega algengir við vestrænar strendur. Óvíst er um stærð stofnsins, en hann fer vaxandi. Innselir eru ljósfælnir og myndfælnir, en hér birtist mynd af fjarskyldum ættingja, útselnum.